Қазақстан Республикасының «Сәйкестікті бағалау саласындағы аккредиттеу туралы» Заңының 26 бабының 1 тармағының 2) тармақшасына сәйкес және аккредиттеу құжаттарын қарастыру бойынша 2019 жылғы қаңтар айының 22 күнгі №6 хаттамасы негізінде БҰЙЫРАМЫН:
1. Алматы қ., «КазСертик-А» ЖШС-ң сынақ зертханасының 2014 жылдың тамыз айының 19 күні берілген № KZ.И.02.1527 аккредиттеу аттестатының қосымшасы болып табылатын аккредиттеу саласының құрылыс материалдарын және конструкцияларын сынау бойынша бөлігі уақытша жарамсыз деп танылсын.
2. «Ұлттық аккредиттеу орталығы» ЖШС-нің (бұдан әрі - ЖШС) жиынтық талдау және ақпараттық қамтамасыз ету бөлімі аккредиттеу субъектілер Тізіліміне және ЖШС-нің веб-сайтқа тиісті ақпаратты енгізсін.
3. Аккредиттеу бойынша комиссия хатшысы қабылданған шешім туралы жоғарыда айтылған аккредиттеу субъектілерге және уәкілетті органға хабардар етсін.
4. Осы бұйрықтың орындалуын бақылауды өзіме қалдырамын.
5. Осы бұйрық қол қойылған күннен бастап күшіне енеді.

