Қазақстан Республикасы «Сәйкестікті бағалау саласындағы аккредиттеу туралы» Заңының 19 және 22 баптарына сәйкес, «Ұлттық аккредиттеу орталығы» РМК 2024 жылғы 30 мамырдағы № 154 материалдарын қарастыру бойынша Комиссиясының хаттамасы негізінде БҰЙЫРАМЫН:
1. ГОСТ ISO/IEC 17024-2014 «Сәйкестікті бағалау. Персоналды сертификаттауды жүзеге асыратын органдарға қойылатын жалпы талаптар» талаптарына сәйкес Атырау қ., «ASNT-Attestation and Sertification of New Technologies» ЖШС-ң персоналының сәйкестігін растау жөніндегі органы аккредиттелсін.
2. ҚР СТ ISO 15189-2015 «Медициналық зертханалар. Сапа мен құзыреттілікке қойылатын талаптар» талаптарына сәйкес Астана қ., «MEDILAB» ЖШС медициналық зертханасы IMMUN.KZ» аккредиттелсін.
3. ГОСТ ISO/IEC 17025-2019 «Сынау және калибрлеу зертханаларының құзыреттілігіне қойылатын жалпы талаптар» талаптарына сәйкес келесі ұйымдардың сынақ орталықтары мен зертханалары аккредиттелсін:
1) Павлодар қ., «Павлодаргидрогеология» ЖШС-ң сынақ химиялық зертханасы;
2) Шымкент қ., «Ұлттық сараптама және сертификаттау орталығы» АҚ Оңтүстік Қазақстан филиалының сынақ зертханасы (КО ТР 018 (КҚКҚТК) – сыз аккредиттелсін);
4. Аккредиттеу саласының қысқаруына байланысты келесі ұйымдардың аккредиттеу аттестаты қайта ресімделсін:
1) Рудный қ., «Рудныйсоколовстрой» АҚ-ң құрылыс зертханасының сынақ зертханасының (орталығының);
2) Алматы қ., Алматы филиалының «Ұлттық сараптама және сертификаттау орталығы» АҚ-ң құрылыс, өнеркәсіптік, радиоэлектрондық және тұрмыстық өнімдерді сынақ зертханасының;
5. Аккредиттеу субъектісінің орналасқан жерінің өзгеруіне байланысты келесі ұйымдардың аккредиттеу аттестаты қайта ресімделсін:
1) Алматы қ., «KAZAUTOCERT» ЖШС-ң өнімдері мен қызметтерінің сәйкестігін растау жөніндегі органның;
2) Астана қ., «EcoProf KZ» ЖШС парниктік газдарды валидациялау және верификациялау жөніндегі органның;
6. Аккредиттеу субъектісінің атауының өзгеруіне байланысты Алматы қ., «Казмеханобр» өнеркәсіптік экологияның мемлекеттік ғылыми- өндірістікбірлестігі» ҚР ИИДМ ИДК «Қазақстан Республикасының минералдық шикізатты кешенді өңдеу жөніндегі ұлттық орталығы» ШЖҚ РМК филиалының химия-талдау зертханасынан / Алматы қ., «Қазмеханобр» ӨЭМҒӨБ «ҚР МШКӨЖ ҰО» РМК филиалының Стреккер Г. П. атындағы химия-талдау зертханасына аккредиттеу аттестаты қайта ресімделсін
7. «Ұлттық аккредиттеу орталығы» ШЖҚ РМК (бұдан әрі – «ҰАО» РМҚ) Құқықтық жұмыс және халықаралық ынтымақтастық департаменті осы бұйрықтың 1, 2 және 3 тармақтарында көрсетілген аккредиттеу субъектілермен аккредиттеуден кейінгі келісім-шарт жасасын.
8. «ҰАО» РМҚ Талдау және мониторинг департаменті аккредиттеу субъектілер тізіліміне тиісті ақпаратты орналастырсын.
9. «ҰАО» РМҚ Цифрландыру департаменті осы бұйрықты интернет- ресурста орналастырсын.
10. Осы бұйрықтың орындалуын бақылау «ҰАО» РМҚ-ның Бас директорының орынбасары Б.С. Еримбетовке жүктелсін.
Осы бұйрық қол қойылған күннен бастап күшіне енеді.
