Ұлттық аккредиттеу орталығы аккредиттеу жүйесінің кәсіби әлеуетін арттыруға бағытталған «20 жаңа бағалаушы» жобасының қатысушыларымен таныстыруды жалғастыруда.
Жоба қатысушыларының бірі — Айдос Нұрышев, аккредиттеу саласында көп жылдық тәжірибесі бар маман.
Айдос Нұрышев С. Сейфуллин атындағы Қазақ агротехникалық университетін «Менеджмент» мамандығы бойынша тәмамдаған. Аккредиттеу саласындағы кәсіби жолын 2014 жылы Қазақстан Республикасының Ұлттық аккредиттеу органында маман қызметінен бастаған.
Көпжылдық еңбек жолында жетекші және бас маман қызметтерін атқарып, 2022–2025 жылдар аралығында құрылымдық бөлімшеге басшылық етті.
Кәсіби қызметі барысында Айдос Нұрышев аккредиттеу субъектілерінің қызметін мониторингілеу, сәйкестік сертификаттары мен декларацияларын талдау, аккредиттеу саласы шеңберіндегі қызметті бақылау, сондай-ақ сәйкестікті растау рәсімдерінің сақталуын талдау бағыттарында жұмыс атқарды.
Сонымен қатар, Айдос Нұрышев СТ РК ISO/IEC 27001 ұлттық стандартын әзірлеуге қатысты.
Аккредиттеу саласындағы көпжылдық тәжірибесі, кәсіби білімі және бағалау рәсімдеріне қатысу тәжірибесі Айдос Нұрышевке бағалаушы ретінде тиімді жұмыс істеуге және ұлттық аккредиттеу жүйесін одан әрі дамытуға өз үлесін қосуға мүмкіндік береді.