2026 жылғы 27–30 шілде аралығында Астана қаласында Ұлттық аккредиттеу орталығы (ҰАО) мен Өзбекстанның аккредиттеу органы (O’ZAKK) арасындағы екіжақты ынтымақтастық және жасалған келісім шеңберінде ұлттық аккредиттеу жүйелерін дамытуға, кәсіби тәжірибе алмасуға және халықаралық өзара іс-қимылды нығайтуға бағытталған бірқатар іс-шара өтті.
Сапар аясында ҰАО ұйымдастыруымен оқыту және практикалық семинар өткізілді. Семинар барысында екі елдің мамандары тәжірибе алмасып, аккредиттеу және сәйкестікті бағалау саласындағы өзекті мәселелерді талқылады.
Іс-шаралардың негізгі бағыттарының бірі – Қазақстан Республикасы Президенті Іс басқармасының Медициналық орталығы «Санитариялық-эпидемиологиялық сараптама орталығы» ШЖҚ РМК-ның Медициналық зертханалар орталығын ISO 15189:2022 халықаралық стандартының талаптарына сәйкестігіне бағалау болды.
Бағалау жұмыстарына Қазақстан және Өзбекстан тараптарынан бейінді ғылыми тәжірибесі бар мамандар мен сарапшылар қатысты. Бірлескен жұмыс екі тараптың кәсіби құзыреттерін тиімді пайдалануға және медициналық зертханаларды бағалаудың практикалық тәсілдерімен тәжірибе алмасуға мүмкіндік берді.
Сонымен қатар, O’ZAKK өкілдерімен жұмыс кездесуі өтті. Кездесу барысында тараптар одан әрі ынтымақтастық мәселелерін талқылап, тәжірибе алмасты және екі елдің аккредиттеу органдары арасындағы өзара іс-қимылдың перспективалық бағыттарын қарастырды.
Өткізілген іс-шаралар мамандардың құзыреттілігін арттыруға, бірыңғай кәсіби тәсілдерді дамытуға, зертханалық қызметтердің сапасын арттыруға және зерттеу нәтижелеріне деген сенімді нығайтуға ықпал етеді.
ҰАО мен O’ZAKK аккредиттеу саласындағы кәсіби өзара іс-қимылды одан әрі дамытуға және ынтымақтастықты кеңейтуге мүдделі екенін білдірді.