2026 жылғы 1 қазанда Ұлттық аккредиттеу орталығының Бас директоры міндетін атқарушы Арман Мәмбетаев Беларусь мемлекеттік аккредиттеу орталығының директоры Екатерина Дворакпен кездесу өткізді.
Кездесу барысында тараптар Қазақстан мен Беларусьтің аккредиттеу жөніндегі органдары арасындағы ынтымақтастықты одан әрі дамыту перспективаларын талқылады. Өзара тәжірибе алмасуға, сондай-ақ мамандарды оқыту мен тағылымдамадан өткізуді ұйымдастыру мәселелеріне ерекше назар аударылды.
Кездесудің негізгі тақырыптарының бірі аккредиттеу процестерін цифрландыру болды. Тараптар цифрлық аккредиттеуді дамыту тәсілдерін қарастырып, заманауи ақпараттық шешімдерді енгізу тәжірибесімен бөлісті.
Беларусь тарапы аккредиттеу саласындағы қолданыстағы ақпараттық жүйені таныстырып, оның негізгі функционалдық мүмкіндіктерін көрсетті. Кездесуге қатысушылар ұлттық аккредиттеу жүйелерін одан әрі жетілдіру және цифрландыру үшін тәжірибе алмасудың практикалық маңыздылығын атап өтті.
Еуразиялық экономикалық одаққа мүше мемлекеттердің аккредиттеу жөніндегі органдары басшыларының кеңесі аясындағы бірлескен жұмысқа, сондай-ақ аккредиттеуді дамытудың өзекті мәселелері бойынша одан әрі өзара іс-қимыл жасауға айрықша назар аударылды.
Арман Мәмбетаев беларусь тарапына көрсеткен қолдауы мен сындарлы ынтымақтастығы үшін алғыс айтып, екі елдің ұлттық аккредиттеу жүйелерін нығайту және одан әрі дамыту үшін практикалық тәжірибе мен кәсіби білім алмасудың маңыздылығын атап өтті.
Дополнительно