2026 жылғы 14–16 қазан аралығында Ұлттық аккредиттеу орталығының (ҰАО) үш маманы Минск қаласында Беларусь мемлекеттік аккредиттеу орталығы (БМАО) ұйымдастырған практикалық тренингке қатысты.
Оқыту ГОСТ ISO/IEC 17043-2025 «Сәйкестікті бағалау. Біліктілікті тексеру провайдерлерінің құзыреттілігіне қойылатын жалпы талаптар» стандартының талаптарын практикалық қолдануға, сондай-ақ біліктілікті тексеру провайдерлерін аккредиттеу саласындағы халықаралық тәжірибені зерделеуге арналды.
Тренинг барысында ҰАО мамандары стандарттың негізгі өзгерістері мен талаптарын, біліктілікті тексеру бағдарламаларын әзірлеу және жоспарлау тәртібін, үлгілердің біркелкілігі мен тұрақтылығын бағалау әдістерін, сондай-ақ ISO 13528 стандартына сәйкес нәтижелерді өңдеу мен бағалаудың статистикалық әдістерін қарастырды. Персоналдың құзыреттілігі, құпиялылықты қамтамасыз ету, тәуекелдерді басқару мәселелеріне және біліктілікті тексеру провайдерлерін бағалаудың практикалық тәсілдеріне ерекше назар аударылды.
Оқытудың практикалық бөлігі Витебск стандарттау, метрология және сертификаттау орталығы, Беларусь мемлекеттік метрология институты (БелГИМ) және «Инновациялық машина жасау ғылыми-практикалық орталығы» ЖШҚ базасында аккредиттелген провайдерлердің қызметімен танысуды қамтыды.
Қатысушылар зертханааралық салыстыруларды ұйымдастырудың, үлгілерді дайындаудың, біліктілікті тексеру нәтижелерін жүргізу мен талдаудың, соның ішінде ТР ТС 018/2011 «Дөңгелекті көлік құралдарының қауіпсіздігі туралы» талаптары шеңберіндегі ерекшеліктерін зерделеді.
Алынған білім мен практикалық тәжірибе біліктілікті тексеру провайдерлерін аккредиттеу рәсімдерін одан әрі жетілдіру, ҰАО бағалаушыларының кәсіби құзыреттілігін арттыру, сондай-ақ ISO/IEC 17043 стандарты бойынша Азия-Тынық мұхиты аккредиттеу ынтымақтастығы (APAC) шеңберінде халықаралық тану саласын кеңейтуге дайындық үшін пайдаланылатын болады.
Дополнительно

