«Ұлттық аккредиттеу орталығы» РМК (ҰАО) 2026 жылғы 10–11 тамызда ISO/IEC 42001:2023 «Ақпараттық технологиялар. Жасанды интеллект. Жасанды интеллект менеджменті жүйесі» халықаралық стандарты бойынша семинар өткізді.
Іс-шара халықаралық талаптарды ескере отырып, мамандардың кәсіби құзыреттілігін арттыруға және жасанды интеллект жүйелерін басқару саласындағы практикалық дағдыларды дамытуға бағытталды.
Семинардың лекторы – Түркия Республикасынан шақырылған шетелдік сарапшы, SYM Certification Training Inspection and Testing Services Co. Ltd. сертификаттау органының өкілі Muzaffer ÖZEN болды.
Семинар барысында қатысушылар ISO/IEC 42001:2023 стандартының негізгі ережелерімен, сондай-ақ жасанды интеллект менеджменті жүйесін құру және енгізудің практикалық тәсілдерімен танысты. Сарапшы халықаралық тәжірибесімен бөлісіп, Қазақстан ұйымдарының ерекшеліктері мен қажеттіліктерін ескере отырып қолдануға болатын практикалық ұсынымдар ұсынды.
Жасанды интеллект технологияларының қарқынды дамуы жағдайында оларды қауіпсіз, жауапты және ашық түрде қолдануды қамтамасыз ету ерекше маңызға ие.
ISO/IEC 42001:2023 ұйымдарға жасанды интеллектіні пайдалануға байланысты тәуекелдерді жүйелі түрде басқаруға, сондай-ақ ашықтық, қауіпсіздік, жауапкершілік және деректерді қорғау мәселелерін ескеруге мүмкіндік беретін жасанды интеллект менеджменті жүйесіне қойылатын талаптарды белгілейді.
Стандарт талаптарын енгізу жасанды интеллект технологияларын басқаруға жүйелі тәсілді қалыптастыруға, оларды қолдануға деген сенімді арттыруға және жасанды интеллектіні бақылаусыз пайдалануға байланысты тәуекелдерді төмендетуге ықпал етеді.
Қазақстандық ұйымдар үшін ISO/IEC 42001:2023 стандартын қолдану халықаралық талаптарға сәйкестікті арттыруға, цифрлық трансформацияны дамытуға және бәсекеге қабілеттілікті нығайтуға жағдай жасайды.
Семинар жұмысына мемлекеттік органдардың, цифрлық инфрақұрылым ұйымдарының және аккредиттеу субъектілерінің өкілдері қатысты. Атап айтқанда:
- Қазақстан Республикасы Жасанды интеллект және цифрлық даму министрлігі;
- Қазақстан Республикасының Ұлттық Банкі;
- Қазақстан Республикасы Ұлттық қауіпсіздік комитеті;
- «Ұлттық ақпараттық технологиялар» АҚ;
- «Мемлекеттік техникалық қызмет» АҚ;
- Қазақстан Республикасы Туризм және спорт министрлігі;
- Қазақстан Республикасы Әділет министрлігі;
- аккредиттеу саласында ақпараттық қауіпсіздік бағыты бар аккредиттеу субъектілері.
Мұндай білім беру іс-шараларын өткізу халықаралық тәжірибе алмасуға және жасанды интеллект, ақпараттық қауіпсіздік және цифрлық технологиялар салаларындағы қазақстандық мамандардың құзыреттілігін одан әрі дамытуға ықпал етеді.
ҰАО ұлттық аккредиттеу жүйесіне қатысушылардың заманауи халықаралық стандарттар туралы хабардарлығын арттыру және сәйкестікті бағалау саласында озық тәсілдерді енгізу бағытындағы жұмысты жалғастыруда.