2026 жылғы 6–7 тамызда Ұлттық аккредиттеу орталығы (ҰАО) «Кәсіби денсаулық және еңбек қауіпсіздігін басқару жүйелері. Талаптар және қолдану жөніндегі нұсқаулық» ISO 45001:2018 халықаралық стандарты бойынша оқыту семинарын өткізді.
Семинардың лекторы — Қытайдың аккредиттеу жөніндегі ұлттық қызметінің (CNAS) кәсіби денсаулық және еңбек қауіпсіздігін басқару жүйелері саласындағы сарапшысы WANG Qiang.
Іс-шараға Қазақстан Республикасы Еңбек және халықты әлеуметтік қорғау министрлігінің өкілдері, сондай-ақ аккредиттеу саласында ISO 45001 бағыты бар аккредиттеу субъектілері қатысты.
Семинар барысында қатысушылар ISO 45001:2018 талаптарын қолданудың халықаралық тәсілдері мен практикалық тәжірибесімен, сондай-ақ кәсіби денсаулық пен еңбек қауіпсіздігін басқару жүйелеріне қатысты өзекті мәселелермен танысты.
ISO 45001:2018 стандарты еңбек қауіпсіздігін жүйелі түрде басқаруға, оның ішінде қауіп-қатерлерді анықтауға, кәсіби тәуекелдерді бағалауға және төмендетуге, өндірістік жарақаттанудың алдын алуға және қауіпсіз еңбек жағдайларын қалыптастыруға бағытталған.
Халықаралық тәжірибені талқылау қатысушылардың кәсіби білімін жетілдіруге және стандарт талаптарын қолданудың практикалық тәсілдерімен танысуға мүмкіндік берді.
Мұндай іс-шараларды өткізу мамандардың құзыреттілігін арттыруға және халықаралық стандарттар талаптарына сәйкестікті бағалау саласында бірыңғай тәсілдерді дамытуға ықпал етеді.
ҰАО аккредиттеу саласында халықаралық ынтымақтастықты одан әрі дамытып, озық тәжірибемен алмасуға және ұлттық аккредиттеу жүйесіне қатысушылардың кәсіби құзыреттерін арттыруға бағытталған жұмысты жалғастырады.