«20 жаңа бағалаушы» жобасы аясында Ұлттық аккредиттеу орталығы Қазақстан Республикасының ұлттық аккредиттеу жүйесін дамыту мен нығайтуға өз үлесін қосып жүрген кәсіби мамандарды таныстыруды жалғастыруда.
Анар Амирова — фармация және аккредиттеу саласында көпжылдық кәсіби тәжірибесі бар, сәйкестікті бағалау саласында терең білімі мен практикалық құзыреттерін меңгерген маман.
1991 жылы Анар Амирова Алматы мемлекеттік медицина институтының филиалын «Фармация» мамандығы бойынша тәмамдады. Сол жылы еңбек жолын «Фармация» АҚ-ның Целиноград өндірістік бірлестігінде бастады.
2008 жылдан бастап Анар Амирова Қазақстан Республикасының ұлттық аккредиттеу жүйесінде қызмет атқарып, Ұлттық аккредиттеу органының командасының құрамында жұмыс істеп келеді.
Кәсіби қызметі жылдарында ол көптеген бағалау рәсімдеріне қатысып, жоғары кәсіби біліктілігін, жауапкершілігін және фармацевтика саласының ерекшеліктерін терең меңгергенін көрсетті.
Аккредиттеу саласындағы көпжылдық тәжірибесі, бағалау рәсімдеріне қатысуы және практикалық білімі Анар Амироваға бағалаушы функцияларын тиімді орындауға, сондай-ақ бағалау жүргізу барысында объективтілік пен кәсіби тәсілді қамтамасыз етуге мүмкіндік береді.
Оның кәсіби жолы құзыреттерді жүйелі түрде дамытудың және ұлттық аккредиттеу жүйесін жетілдіру мақсатында практикалық тәжірибені тиімді қолданудың үлгісі болып табылады.
«20 жаңа бағалаушы» жобасы Қазақстандағы бағалаушылардың кадрлық әлеуетін дамытуға және кәсіби қоғамдастықты нығайтуға бағытталған. Жобаға қатысушылардың тәжірибесі мен құзыреттері ұлттық аккредиттеу жүйесін одан әрі дамытуға және сәйкестікті бағалау сапасын арттыруға ықпал ететін маңызды ресурс болып табылады.