«20 жаңа бағалаушы» айдары аясында Ұлттық аккредиттеу орталығы сәйкестікті бағалау және аккредиттеу саласында кәсіби тәжірибесі мен практикалық білімі бар білікті мамандармен таныстыруды жалғастырады.
Саида Балдикова 2016 жылы А. Байтұрсынов атындағы Қостанай мемлекеттік университетін «Өңдеу өндірістерінің технологиясы» мамандығы бойынша бітірген.
Еңбек жолын 2018 жылы «Қазақстандық аграрлық сараптама» Солтүстік Қазақстан филиалында бас маман-технолог лауазымынан бастады.
2019-2023 жылдар аралығында Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің «Ұлттық сараптама орталығы» ШЖҚ РМК Солтүстік Қазақстан облысы бойынша филиалында тамақтану гигиенасы жөніндегі маман болып жұмыс істеді.
2023 жылы Саида Балдикова Ұлттық аккредиттеу орталығының техникалық сарапшылары мен бағалаушылары тізіліміне енгізілді.
Кәсіби қызметі барысында жоғары құзыреттілік деңгейін, практикалық білімін және қойылған тапсырмаларды орындауда жауапты көзқарасын көрсете отырып, көптеген бағалау рәсімдеріне қатысты. Бағалауларға қатысу қорытындысы бойынша Ұлттық аккредиттеу орталығының бағалаушысы мәртебесінде бекітілді.
Жинақталған кәсіби тәжірибесі, білімі мен практикалық дағдылары Саида Балдиковаға бағалау рәсімдерінің сапасын арттыруға және ұлттық аккредиттеу жүйесін одан әрі дамытуға ықпал ете отырып, бағалаушы функцияларын тиімді орындауға мүмкіндік береді.
Дополнительно

